21 лютага у Цэнтры прайшла інтэрактыўная гульня, прысвечаная Міжнароднаму Дню роднай мовы. У фармаце мерапрыемства мы прапанавалі вучням акунуцца ў чароўны свет беларускай мовы.

Абуджэнне павагі да слова, імкнення захоўваць сваю культуру, развіццё сродкамі мовы інтэлектуальнай, эмацыянальнай, эстэтычнай сфер асобы навучэнца, выхаванне ў яго павагі да ўсяго роднага, беларускага, - такой была мэта гульні.

Пяць каманд вучняў 7-9 класаў выканалі розныя заданні, і з іх дапамогай праверылі свае веды па вывучэнню беларускай мовы і культуры.

Перамогу атрымала каманда сярэдняй школы №207. Мы віншуем пераможцаў і ўсім жадаем шанаваць сваю мову і краіну.